DG: Uwch - C1 / ALTE 4
Mae 5 cydran:
Gwrando
Mae dau gwestiwn gorfodol
| 1. |
Gwrando - rhaid i ymgeiswyr ateb cwestiynau
ar sail deunydd dilys yn cynnwys dau destun. Mae elfennau
i'w cymharu yn y cwestiynau. |
| 2. |
Fideo - rhaid i ymgeiswyr ateb cwestiynau
ar sail deunydd dilys yn ymwneud â chyflwyniad ffeithiol. |
Hyd: tua 50 munud
Siarad
Tair rhan orfodol:
- Trafod Erthygl - rhaid i ymgeiswyr drafod erthygl
nodwedd o bapur neu gylchgrawn Cymraeg gyda'r cyfwelydd llafar.
Mae 30 munud o amser paratoi a dewis o 3 erthygl wahanol.
- Trafod Ffolio - rhaid i gyfwelwyr llafar ofyn
cwestiynau ar sail ffolio'r ymgeisydd (gw. isod).
- Trafod dau waith llenyddol - rhaid i ymgeiswyr
ddewis dau waith llenyddol o restr benodol i'w trafod gyda'r
cyfwelydd llafar.
Hyd y Prawf Llafar: tua 45 munud
Ffolio
Rhaid i ymgeiswyr gyflwyno ffolio o waith ysgrifenedig a llafar
yn cynnwys sawl elfen:
- 4 darn ffeithiol (yn cynnwys gwaith trafod
a hunangofiannol).
- Tasg lafar - rhaid i ymgeiswyr recordio sgwrs
gyda siaradwr rhugl.
- Project - naill ai (a) Project Ymarferol - rhaid
i ymgeiswyr dreulio amser mewn amgylchfyd Cymraeg ei iaith,
e.e. yn gwneud gwaith gwirfoddol neu'n cymryd rhan mewn gweithgareddau
cyfrwng-Cymraeg a chyflwyno crynodebau o'u profiadau a recordio
sgwrs gyda siaradwyr rhugl yn ymwneud â'r project; neu
(b) Project Llenyddol - rhaid i ymgeiswyr ysgrifennu adolygiadau
o destunau llenyddol (o restr yn y fanyleb) a recordio trafodaeth
ar ddrama neu ffilm Gymraeg gyda siaradwr rhugl.
Darllen
Dwy dasg orfodol:
- 2 erthygl - rhaid i ymgeiswyr ateb cwestiynau
ar erthyglau ffeithiol, yn cynnwys elfennau i'w cymharu.
- Darn llenyddol - rhaid i ymgeiswyr ateb cwestiynau
ar destun llenyddol nad ydynt wedi ei weld o'r blaen.
Cymhwysedd Strwythurol
Un dasg orfodol:
- Llenwi bylchau - rhaid i ymgeiswyr lenwi bylchau
(gramadegol, cystrawennol, priod-ddulliau a chyfleoliadau) mewn
testun.
Mae'r prawf llenwi bylchau yn gynwysiedig yn y Prawf Darllen.
Hyd: 120 munud.
Ysgrifennu
Tair tasg orfodol:
- Darn cofnodol - rhaid ymgeiswyr ysgrifennu
adroddiad ar sail sbardunau neu sefyllfaoedd penodol.
- Llythyr Ffurfiol - rhaid i ymgeiswyr ysgrifennu
llythyr yn y cywair ffurfiol ar sail sbardunau neu sefyllfaoedd
penodol.
- Darn Hunanfynegiannol - rhoddir dewis o destunau
traethawd i ymgeiswyr - gall y rhain fod yn trafod neu'n disgrifio.
Hyd: 150 munud
Pwysoli'r cydrannau
Gwrando 10%, Siarad 44%, Darllen 20%, Cymhwysedd Strwythurol
5%, Ysgrifennu 21%
Canlyniadau
Dyfernir graddau A-C (Llwyddo) D (methu agos) a Diddosbarth (Methu).
Anfonir canlyniadau unigol ar gyfer pob prawf at ymgeiswyr. Y
trothwy llwyddo yw 50% o'r cyfanswm.
|
